打头阵之马来香港美食 - 香港粥面家

可能o尼个title有嘀怪。其实系在马来西亚揾到o既香港美食。

正所谓入屋叫人，未开始介绍美食之前，同大家来拜个年！祝大家2011年，新年快乐啊！希望大家以后多多光顾o尼个部落，一齐分享美食~ 我介绍之余，都希望大家大方嘀介绍卑我知各地o既美食，分甘同味啊！

好喇！入正题喇 ！o甘日为大家介绍o既系座落于The Gardens o既一间香港美食店的菜肴。其实本人系在2010年o既年尾去光顾，但系觉得o尼间店o既食物都唔错，所以带到来o尼个2011日日食部落格介绍卑大家认识。

o尼间店出名o既系它o既烧腊。但系我未食过，反而钟情于它o既蛋挞同它o既粥！所以就点o左以下o尼几味。

三蛋挞加一棵菜

睇上去好似平时街边买o既蛋挞，但系咬落去入口即溶o既蛋挞馅同埋脆口o既蛋挞皮，话你知喇，真系幸福到痹！

状元及第粥

家母order o既状元及第粥。起初我都唔知及第粥系咩野o黎，原来我妈仲叻过我！及第粥就是齐集猪内脏o既粥。如果你唔中意猪内脏o既话，我睇你真系千企唔好试。因为我都唔敢食，但系家母就食到“diap diap 声”！

皮蛋瘦肉粥

o尼碗系我阿妹order o既皮蛋瘦肉粥。哎呀！头先忘记讲解o尼间店o既粥究竟有么特别。其实它o既粥真系唔似粥，因为当你放入口时，嘀粥就好似baby食o既糊o甘，又滑又够味，最重要o既系，就连粥入边o既肉都唔使咬，个种软度。。。100分！

虾云吞面

o尼碗面系男主角order。主要要讲到o既系碗面入边o既虾云吞！薄薄o既云吞皮，包住实实o既新鲜虾仁，正所谓皮薄馅靓，放入口久而未散o既新鲜虾味，正啊！

豆浆油条

o尼碗豆浆油条系本人o益o架。虽然，油条o甘油o既野放入豆浆一齐食系有嘀怪怪地，但系又真系几惹味咔！但系我就觉得它o既豆浆淡左嘀，若然可以再甜嘀，应该仲好味！食紧o尼样野，就念起林俊杰o既一首歌。。。

叉烧包

叉烧包！正如我所讲，这间店系以烧腊为主题，它o既叉烧包当然都系顶级o既！虽然细细只，但系咬落去那时候，热辣辣o既叉烧在嘴入边，哇，个阵香味。。。连家母都赞不绝口！她话，有以前个种叉烧包o既味道！哇！怀旧到！

港式鸳鸯

鸳鸯奶茶，相信o尼杯系好普通o既野！但系男主角话o尼杯野好有奶味。。。唔错唔错o甘话哦！

豆腐花

o尼碗野o既豆腐花真系几滑咔，但系味道就同个碗豆浆一样，如果可以再甜嘀就好。

芒果红豆爽

o拿！o尼碗就真系正喇！用新鲜o既芒果加冰打成冰沙，再加嘀红豆落去，嗯。。。食落去就好似食甜芒o甘，好甜啊！

最后统计：

美味指数：90分

推荐指数：90分

香港粥面家 Canton-i

The Gardens

Mid Valley City,

LG 202 & 203A,

Lingkaran Syed Putra,

59200 Kuala Lumpur.

Tel: +603 2284 6888