2011 日日食～: 2011

2011年1月6日星期四

砂劳越祖传手工自制面 - 面对面板面专卖店

话o甘快就黎到第二个美食介绍，o甘日带大家去到subang SS15 o既板面专卖店！o尼间店的主题板面系来自于砂劳越o既祖传手工。板面最重要系咩野？对我来讲，当然系汤底要够香够味，板面晤可以太多面粉，亦都唔可以太少面粉，江鱼仔要够脆，即使浸住在汤入边都唔可以变到软蟹蟹，o甘，就为之perfect喇！

汤板面

首先就由它o既面讲起。o尼碗板面o既面对我来讲系面粉少左嘀，面o既本身好软，好滑，好似河粉，但系就比河粉稍微粗小小。它o既汤底好甜，而且汤入边仲加左蛋，甜中带滑。江鱼仔就真系唔错，够脆，即使我留到最尾先吃都仲系保住个脆道！

虾饺

另外order左一碗虾饺来试。o尼粒虾饺可能在相中睇到好似好细粒，但系绝对皮薄馅靓o架！虾肉都好新鲜，好够软。

鲜奶加凉粉

o尼杯野，鲜奶好新鲜，凉粉好咬口！原本系淡淡o既牛奶，加适量o既甜度，仲可以咬爽口o既凉粉，正！

小麦草三色奶茶

三色奶茶都喝过下，但系小麦草o既就真系没试过。最下底个层系小麦草，第二系奶，最高系teh-O。o尼杯野要搞到它变成以下个张相o既颜色都唔系o甘容易o架！头一次喝，都仲算卑到surprise喇！甜度唔会好似我之前喝过o既三色奶茶o甘甜，o岩o岩好！可能又加上我偏爱小麦草，o尼杯野，95分！5分可能少左在好难搞到它o既颜色同味道平均为止喇！

捞过后o既小麦草三色奶茶

o尼间店仲有好多间分行o架，如果你系板面o既喜好者，不妨试一试！

最后统计：

美味指数：90分

推荐指数：85分

面对面板面专卖店

Face to Face Noodle House

64, Jalan SS15/4D,
Subang Jaya,
Selangor.

营业时间：星期一至五（11.30am-9.30pm）；星期六及日（10am-9.30pm）
休息天：农歷新年期间

2011年1月1日星期六

可能o尼个title有嘀怪。其实系在马来西亚揾到o既香港美食。

正所谓入屋叫人，未开始介绍美食之前，同大家来拜个年！祝大家2011年，新年快乐啊！希望大家以后多多光顾o尼个部落，一齐分享美食~ 我介绍之余，都希望大家大方嘀介绍卑我知各地o既美食，分甘同味啊！

好喇！入正题喇！o甘日为大家介绍o既系座落于The Gardens o既一间香港美食店的菜肴。其实本人系在2010年o既年尾去光顾，但系觉得o尼间店o既食物都唔错，所以带到来o尼个2011日日食部落格介绍卑大家认识。

o尼间店出名o既系它o既烧腊。但系我未食过，反而钟情于它o既蛋挞同它o既粥！所以就点o左以下o尼几味。